Hoxe é Venres 30 de Outubro de 2020

Javier Bas: “O PSOE recorre á difamación para tentar acadar un poder que as urnas non lle deron”

RR_Noticias

O alcalde en funcións é cauto á hora de valorar a súa máis que probable investidura o vindeiro sábado “aínda quedan días e ata o pleno do día 13 nada é definitivo”. Máis contundente se amosa á hora de negar ás acusacións do secretario provincial do PSOE quen afirmou ter “fundadas sospeitas de que Javier Bas tería favorecido laboralmente a membros de AER”. Asegura Bas que estas acusacións son “mentira” e que responden “á desesperación dos socialistas por facerse coa alcaldía”. Convídaos a acudir aos xulgados se teñen probas “que presenten unha denuncia ou que deixen de enlodar a política, un terreo no que se moven moi ben pero que é indigno”.

Bas non quere adiantar nada de cómo será o próximo goberno que lle tocará liderar a partir deste sábado. Entende que ata que se produza o pleno de investidura hai que ser cautos malia que todo apunte que seguirá na alcaldía ante a decisión de AER de non apoiar un goberno alternativo. Con todo, é consciente de que  se abre un período difícil, no que de gobernar terán que facelo en minoría e cun concelleiro menos, o que obrigará a reorganizar o goberno local para facelo operativo. En canto ás negociacións desenvolvidas nas últimas semanas no camiño de acadar apoios que garantiran a súa permanencia na alcaldía, explica Bas que as súas conversas con AER centráronse en temas relacionados coa participación cidadá e a transparencia “e comprometémonos a seguir avanzando neses campos”.  

Javier Bas PP
Nega rotundamente ter negociado con postos de traballo
Investidura
Amósase cauto ante o que poida acontecer o vindeiro sábado
Negociacións
Asegura Bas que o único que se negociou foi novas ferramentas para dar maior transparencia ao concello

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *