Hoxe é Martes 24 de Novembro de 2020

“Cartas de un condenado a muerte” recompila as cartas do republicano Mejuto Bernárdez

RR_Noticias

O multiusos da Xunqueira acolle hoxe xoves 11 de xuño, ás 21.00 h, a presentación do libro “Cartas de un condenado a muerte” (Alvarellos Editora), de José Mejuto Bernárdez. Cartas que este preso republicano enviou a súa familia dende os penais de Vigo, San Simón e Pontevedra antes de ser fusilado o 27 de xullo de 1937 e que foron reunidas pola súa neta, Ana Paula Mejuto e entregadas á Real Academia Galega. Unha documentación emotiva e histórica que sae agora á luz.

A recompilación destas cartas convértese nun testemuño único e conmovedor da guerra civil española e dos últimos días en prisión, en 1936 e 1937, do republicano galego José Mejuto Bernárdez (1905-1937), nos cárceres de Vigo, San Simón e Pontevedra.
Os orixinais desa correspondencia foron custodiados na Arxentina pola súa muller e a súa neta, e depositados dende 2015 na Real Academia Galega. Agora saen a luz por vez primeira nunha edición ao coidado de Olivia Rodríguez, que conta coa participación de Eduardo Galeano, Xesús Alonso Montero e da propia neta de José Mejuto, Ana Paula Mejuto.
Na presentación do libro en Redondela contaremos coa presenza de Xesús Alonso Montero, presidente da Real Academia Galega, a coordinadora da obra, Olivia Rodríguez González, o editor Henrique Alvarellos, e o concelleiro de Cultura en funcións, Julio Alonso. O acto contará coa actuación musical de 2naFronteira (Carmen Penín).
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *