Hoxe é Martes 24 de Novembro de 2020

O Arealonga F.S. agarda máis de 1.400 xogadores no XII Torneo de Chapela

RR_Noticias

O club redondelán organiza do 18 ao 28 de xuño este clásico do fútbol sala que xa é un referente en toda a provincia. O campionato dispútase no pavillón de Chapela en todas as categorías. O prazo de inscrición está aberto ata o 7 de xuño para as categorías base e ata o 13 de xuño para os sénior.

Iván Vázquez, presidente do club, explica que se trata dun torneo “moi especial” porque toda a parroquia participa e se implica na súa organización. Mostra do seu éxito é a cantidade de equipos que participan, máis de 120 nas edicións anteriores, chegando algúns anos a sumar 139 conxuntos.Os equipos que queiran participar no torneo poden informarse e facer a súa inscrición no teléfono 662.111.339. Será unha festa do fútbol sala para todos os equipos que rematan xa a temporada. O equipo de Chapela faio cos obxectivos cumpridos, logo de acadar a permanencia na Liga Galega Norte. Na próxima temporada confían en participar na territorial Sur, tal como se comprometeu a Federación Galega de Fútbol Sala se mantiñan a categoría. Pero os éxitos non foron só do equipo sénior masculino. O equipo feminino disputou a copa provincial e o infantil proclamouse campión da copa local. O club, que non deixa de medrar, conta xa con máis de 100 xogadores en todas as categorías.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *