Hoxe é Domingo 14 de Agosto de 2022
Stations
NOTHING FOUND!
Current listeners: 
Peak listeners: 

Chapela entra en campaña esixindo aos políticos que atendan ás demandas históricas da parroquia

RR_Noticias

O soterramento da autoestrada, a eliminación da peaxe en Rande, o saneamento integral, a recuperacións das praias, ríos e regatos ou a construción dun apeadeiro na parroquia son algunhas das necesidades que a Asociación de veciños entende imprescindibles e que segundo denuncian non houbo goberno municipal que fora quen de atender.

En total son 36 as demandas concretas que o colectivo veciñal recolle nun listado no que fan un percorrido polas carencias da parroquia e as promesas que se lles foron facendo ao longo dos anos sen que ata o de agora tiveran unha resposta.
Lembran por exemplo que levan 30 anos agardando por un PXOM unha situación que cualifican de “insostible e inadmisible”. Pero non é esta a única demanda en materia urbanística xa que entenden como prioritario que se proceda a soterrar a autoestrada no tramo que percorre Chapela “é dicir, menos dun kilómetro entre o Pavillón e a Ponte de Pasán, unha actuación que solucionaría a maioría dos problemas que xera a AP9”. No mesmo sentido reclaman que se elimine a peaxe da autoestrada “nun tramo ridículo de traxecto, os veciños temos que pagar 0,95 €, por entrar e saír no mesmo Concello, unha discriminación que só pasa en Redondela”.   
Esixen tamén que se dote a parroquia de saneamento integral e se adopten medidas encamiñadas a recuperar e sanear as praias, os ríos e regatos.
En canto as infraestruturas denuncian as deficiencias da piscina e reclaman que a Comisión de Seguimento traballe con seriedade ata que se aclaren os puntos que non cadran nun investimento de case seis millóns de euros.
Outra das demandas que recolle é que se execute de xeito inmediato o proxecto de estación de ferrocarril para chapela e que se poña en marcha un tren de proximidade. Falando de mobilidade demandan que se poña un límite nas achegas que o concello fai ao actual modelo de transporte metropolitano, un modelo que cualifican “de absurdo para os cidadáns e un gran negocio para as compañías de transporte”.
Un centro de día e a tan demandada gardería para Chapela son outras das reclamacións que recolle esta asociación de veciños.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará