Hoxe é Xoves 11 de Agosto de 2022
Stations
NOTHING FOUND!
Current listeners: 
Peak listeners: 

A Radio Municipal organiza un debate electoral cos candidatos á alcaldía de Redondela

RR_Noticias

Os candidatos á alcaldía de Redondela confrontarán as súas propostas electorais nun debate organizado por Radio Redondela e que se celebrará este xoves día 14 ás 20:00 horas no multiusos da Xunqueira. Están convocados a participar representantes das sete agrupacións políticas que se presentan este ano ás eleccións municipais: PP, PSOE, BNG, AER, Redondela Pode, Son Redondela e Ciudadanos de Centro democrático.

Confirmaron a súa asistencia Eduardo Reguera polo Partido Socialista, Xoan Carlos González do Bloque Nacionalista Galego, Ricardo Figueroa da Agrupación de Electores, Luisa Cayetano por Son Redondela e Mar Núñez en representación de Redondela Pode.
Pola súa banda, o PP rexeitou a invitación a participar e, salvo sorpresa de última hora, a cadeira que lle correspondería ocupar ao seu cabeza de lista Javier Bas permanecerá baleira. Tampouco se presentará ao debate o candidato de Ciudadanos de Centro Democrático.
O debate retransmitirase en directo pola emisora municipal (94.9) e está aberto a todo o público que queira participar. Poderase seguir tamén a través da páxina web www.radioredondela.com. Moderará o debate a directora da Radio Municipal, Mª Jesús Queimaliños.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará