Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

O Choco fai realidade o soño

RR_Noticias

A vitoria sobre o Deportivo B en Santa Mariña coloca matematicamente ao equipo redondelán na fase de ascenso a Segunda División B. E fíxoo nun día de festa, con ambiente de gala no estadio local ante máis de 1.400 persoas que festexaron a xesta histórica do equipo de Jacobo Montes.

Terceira División
Choco 2-1 Deportivo B
O conxunto volveu facer historia, logo de acadar o ascenso a Terceira hai dúas temporadas. O Choco é un dos equipos con menos orzamento da categoría, e dos que máis cambios experimentou no seu cadro de xogadores desde a pasada temporada. O ano pasado, recén ascendido á categoría, xa demostrou que chegaba ao campionato para quedar. Pero esta temporada deu un gran paso adiante, ao situarse entre os catro mellores da categoría. E aínda lle sobrou un partido. Ao encontro de onte co Deportivo B ambos os equipos acudían con baixas, pero o bo facer dos rivais non defraudou. Desde o primeiro minuto víase que o Fabril non estaba en Redondela para deixar ir o partido, e de feito saíron a por os tres puntos. O Choco, paciente, esperou as súas oportunidades e terminou levando unha xusta vitoria. Cortegoso salvou ao seu equipo aos cinco minutos do encontro, tras un saque de esquina que a punto estivo de rematar Hugo. O Choco estaba a sufrir pero seguía firme no terreo de xogo. Os de Jacobo Montes adiantáronse cun gol de Comis, que culminou unha boa xogada individual batendo de tiro cruzado a Veloso, o que foi recibido nas gradas con xúbilo. Antes o árbitro anulaba un gol aos coruñeses por fóra de xogo. Ao descanso chegouse coa vitoria local pola mínima, e logo do paso polo túnel de vestiarios, o Choco aumentaba distancias cun tanto de Silva, que aproveitou un rexeite para establecer o dous a cero. Pero terían que sufrir ata o final. O Depor B achegouse ao marcador cun gol de Hugo que non deixou indiferente a unha bancada que se envorcou co seu equipo. O marcador non se movería e ao final a festa en Santa Mariña sería total. O nome do C.D. Choco e dos seus integrantes entrou xa na historia do fútbol nacional, pois estarán no sorteo de Madrid do 18 de Maio. Se a folga convocada pola Federación Española de Fútbol o permite.
CD Choco: Cortegoso, Iago Vázquez (Pablo Piñeiro 58´), Cristian, Lucas, Carminati, Fernando, Gonza (Róber 64´), Xosé Ramón, Félix, Comis e Silva (Muíños 83´).
Deportivo B: Veloso, Toni, Jorge, Róber, Sam Piette, Hugo, Cardoso, Juan, Alex Pérez (Kim 74´), Cañi e Anxo (Dani Igrexas 74´).
Goles: 1-0 Comis 33´, 2-0 Silva 51´e 2-1 Hugo 66´.
Árbitro: Víctor García Villaverde auxiliado por Ricardo Landrove e Martín Zacadian, do colexio de Ferrol. Mostrou cartolinas amarelas a Comis do Choco, e a Sam Piette, Hugo, Cardoso e Juan por parte do Fabril.
Incidencias: Partido disputado no Campo de Santa Mariña, ante unhas 1.400 persoas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará