Hoxe é Domingo 18 de Abril de 2021

AER reclama maior protección para a fortaleza de Rande

RR_Noticias

Os restos da coñecida como muralla da fortaleza de Rande quedaron a vista logo da limpeza realizada polos operarios de Audasa que está a preparar os terreos para acometer as obras de ampliación da AP-9. Malia que hai dous anos se aprobara por unanimidade unha moción solicitando que se declararan estes restos Ben de Interese Cultura (BIC) e se lles dese maior protección, AER denuncia que dende a Xunta non se ten recibido resposta a esta petición. Solicitan tamén ao alcalde que adopte medidas para garantir a pervivencia destes restos.

A Agrupación de Electores presentará no pleno de hoxe unha pregunta na que solicitan do alcalde información sobre as xestións realizadas ante Patrimonio encamiñadas a facer cumprir unha moción presentada hai xa dous anos e na que se solicitaba a declaración de Ben de Interese Cultural tanto dos restos da Fortaleza de Rande como o cargadoiro do Alemán e o xacemento arqueolóxico dos pecios da batalla e da contorna de Rande.
Na moción arguméntase a necesidade de protexer o “único vestixio que resta das defensas terrestres relacionada coa Batalla de Rande que podería quedar destruído coa construción de novos piares para a ampliación da Ponte”. Precisamente a súa declaración como BIC ou o mero feito de incoar un expediente para tramitar esta declaración outorgaría a este elemento patrimonial unha maior protección ante calquera actuación urbanística.
Neste sentido solicitan hoxe do alcalde Javier Bas, que dea explicacións sobre as xestións feitas ante patrimonio e si ten pensado “solicitar a Fomento a paralización inmediata das obras na contorna ata que non quede clarificado que efecto terán sobre dito xacemento”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *