Hoxe é Domingo 29 de Novembro de 2020

Detida unha veciña de Soutomaior por ofrecer postos de traballo a cambio de diñeiro

RR_Noticias

A muller, de 58 anos de idade e veciña de Soutomaior está acusada de estafar alo menos 25.000 euros a cinco persoas de Arcade, Soutomaior e Pontesampaio. A detida, que conta con antecedentes penais por estafa, solicitaba cantidades que oscilan entre os 3.000 e os 6.000 euros e comprometíase a conseguir a cambio un posto de traballo. Pasou a disposición do xulgado de Instrucción número 1 de Redondela e non se desbota que haxa outras vítimas.

As investigacións iniciáronse a principios de ano despois de que unha veciña de Soutomaior denunciase ter sido vítima desta estafa, asegurando que logo de entregarlle tres mil euros a esta muller nunca volveu ter noticias dela. Mentres os investigadores comprobaron a denuncia descubriron que había máis persoas que podían atoparse na mesma situación. Outra das vítimas é natural de Pontesampaio, neste caso a estafadora tería contactado con ela para ofrecerlle un traballo para a súa filla e polo que a cambio solicitou 5.000 euros apra os gastos de xestión.
Logo dunha complexa investigación levada a cabo por axentes da comisaría de Vigo e Redondela, logrouse identificar á suposta autora destas estafas sendo detida na maña do pasado domingo e trasladada a dependencias policiais. Comprobouse que a detida tiña cinco antecedentes policiais, varios deles por enganos semellantes aos agora denunciados.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *