Hoxe é Venres 30 de Outubro de 2020

Os usuarios das bibliotecas poden acceder a 1700 títulos a través do préstamo de libro electrónico

RR_Noticias

A plataforma GaliciaLe presentouse na tarde de onte en Redondela. Con este novo servizo en liña para o préstamo de libro electrónico, accesible as 24 horas do día de calquera día do ano, ofrécese un catálogo amplo composto por libros e audiolibros en galego e en castelán, álbums ilustrados, que se poden ler en dispositivos compatibles como tabletas, teléfonos móbiles, ordenadores persoais e lectores de libros electrónicos.

Na presentación que tivo lugar onte o secretario xeral de Cultura, Anxo Lorenzo explicou que “esta ferramenta supón un novo camiño na accesibilidade da cidadanía aos recursos culturais, en concreto ao libro dixital, de forma universal e gratuíta”. A plataforma GaliciaLe constitúe unha nova porta de acceso a eses contidos culturais e informativos. A través dela, “ábrense as fiestras para o acceso igualitario dos usuarios e das usuarias das bibliotecas a máis de 1.700 títulos neste momento”, explicou Anxo Lorenzo, que estivo acompañado na presentación polo alcalde, Javier Bas, e mais polo concelleiro de Cultura e Turismo do municipio, Julio Alonso, no marco da celebración da Semana do Libro de Redondela que organiza Normalización Lingüística e as Biblitoecas Municipais. Para facer uso deste novo servizo soamente é necesario ter o carné de lector ou lectora dalgunha das bibliotecas públicas integradas na Rede de Bibliotecas de Galicia, conexión a internet e rexistrarse na plataforma virtual para obter as claves de acceso. O usuario ou usuaria poderá tomar en préstamo ata un máximo de catro libros (dous en galego e dous en castelán) durante un prazo máximo de 21 días. Se a obra ou obras que se buscan están prestadas, poderanse solicitar en reserva. Unha vez realizado o préstamo, o usuario poderá optar pola lectura en liña ou descargar o libro electrónico en dispositivos compatibles: tabletas, teléfonos móbiles, ordenadores persoais e/ou lectores electrónicos.  

Eva García Rei Normalización Lingüística
Fálanos da plataforma GaliciaLe

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *