Hoxe é Domingo 25 de Outubro de 2020

O pleno solicitará que se paralicen as ampliacións de pantaláns nas inmediacións de Arealonga

RR_Noticias

A corporación municipal trasladará á Autoridade Portuaria, organismo competente na materia, a solicitude de paralización de ampliación de pantaláns nas inmediacións da praia de Aralonga pola súa repercusión medioambiental. A moción presentada polos nacionalistas contou co apoio de PSOE e AER, non así do PP, cuxos concelleiros votaron en contra alegando que “non podemos pronunciarnos mentres non contemos con estudos de impacto ambiental que avalen ou rexeiten a actuación”.

A moción foi defendida polo concelleiro do BNG Xoán Carlos González quen explicou que a día de hoxe hai dúas petición presentadas polo Círculo Cultural Recreativo de Chapela e a asociación Albatros de Teis para ampliar as súas instalacións de amarre de embarcacións. A petición da asociación de Teis suporía un aumentos do pantalán que pasaría dos 6.000 a 8.200 metros cadrados. O Círculo de Chapela pola súa banda solicita ampliar dos 9.000 metros2 cos que cantan actualmente a 11.700. Unhas actuacións que ao entender dos nacionalistas “suporían un novo prexuízo a unha beiramar xa moi castigada e na que calquera modificación vai incidir de xeito negativo principalmente no areal de Chapela”. Por tratarse dunha actuación no litoral, é a Autoridade Portuaria quen ten a competencia para conceder ou rexeitar este solicitude. Por este motivo, dende o BNG solicitaron ao resto dos grupos políticos o seu apoio para demandar dende a pleno que esta organismo se pronuncie en contra da ampliación. Tanto o representante de AER como a bancada socialista manifestaron o seu apoio a proposta. Eduardo Reguera explicaba que ademais dos prexuizos no litoral “cunha ampliación de ocupación de 5.000 metros cadrados” a actuación terá tamén importantes prexuízos en terra, cun incremento notable da circulación e da necesidade de prazas de aparcamento “xa moi escasas neses lugar”. Non teñen claro no PP os efectos negativos que este incremento no número de embarcacións e amarres poida provocar no litoral. Así o explicaba o edil de medio ambiente Miguel Angel Álvarez Ballesteros quen defendía o voto en contra do seu grupo “porque sen informes mediambientais non podemos posicionarnos nin a favor nin en contra da ampliación”. Unha alegación en contra da ampliación dos pantaláns que se ven sumar ás xa presentadas pola Asociación de Veciños de Chapela o Club de Remo da parroquia e a Asociación A Ría non se vende. A moción do BNG insta tamén ao alcalde, como membro do concello da Autoridade Portuaria, a que desenvolva as xestións pertinentes neste órgano para paralizar as propostas tanto do Círculo de Chapela como da Asociación Albatros.  

Xoan Carlos González BNG
Explica os proxectos de ampliación e o motivo de estar en contra
Eduardo Reguera PSOE
Os socialistas compartes as preocupación polos efectos no mar e tamén en terra
MIguel Angel Alvarez ballesteros PP
Deberá ser o estudo de impacto ambiemtal o que valore se esa ampliación ten ou non repercusións ao entender do PP

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *