Hoxe é Xoves 22 de Outubro de 2020

Homenaxe a Edu, xogador benxamín do RedondelaFS e subcampión de España

RR_Noticias

Eduardo González Ricón, “Edu”, foi o protagonista na xornada de onte dunha homenaxe polos seus logros deportivos. Con tan só doce anos de idade ven de proclamarse subcampión de España de seleccións autonómicas. Uns logros que para o presidente do Redondela FS, Julio Mougán responden ao traballo particular do xogador pero son tamén un recoñecemento á aposta que dende o club se fai polas categorías base e polo traballo cos máis pequenos.

A selección galega benxamín, con Edu como capitán, proclamouse subcampioa de España logo de vencer ás tres seleccións contrincantes e facerse un oco nas semifinais. O rival dos galegos sería a selección andaluza, partido que venceron por 2-1, sendo Edu un dos protagonistas do encontro ao marcar un dos goles. Caeron derrotados na final disputada ante Castela A Mancha por 2-1. Uns logros que para o presidente do Redondela FS, Julio Mougán responden ao traballo particular do xogador pero son tamén un recoñecemento á aposta que dende o club se fai polas categorías base e polo traballo cos máis pequenos. “Un titulo que é un premio para Edu, un xogador que se atopa entre os doce mellores xogadores galegos, e é ademais un acicate para todos os que o rodean”. Precisamente ese traballo que o Redondela FS en particular e os clubs deportivos en xeral fan cos máis pequenos foi o que salientou na súa intervención o alcalde Javier Bas, quen lembrou que sen o traballo dos directivos e o apoio de pais e nais non sería posible que estes rapaces puidesen adestrar e competir. O concelleiro de deportes, Jesús Crespo, lembrou que logros como este serven para que o nome de Redondela chegue moi arriba.  

Edu selección galega
Daba algún dato da súa experiencia
Julio Mougán presidente RedondelaFS
Satisfacción por un logro que é un acicate para o resto dos rapaces
Javier Bas alcalde
Agradece o apoio dos directivos e pais ás categorías base
Jesús Crespo edil de deportes
Salienta o logro de Edu

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *