Hoxe é Martes 24 de Novembro de 2020

O Balonmán Castro Chapela recibe ao Luceros “sen marxe de erro”

RR_Noticias

A derrota da pasada fin de semana en Coia deixa ao equipo de Fran Teixeira na cuarta posición da táboa, a un punto da segunda praza, que permite xogar a fase de ascenso. Restan oito xornadas e o técnico non dá o obxectivo por perdido, pero é consciente das dificultades e de que o equipo xa non ten ningún marxe de erro.

Co Cisne xa case como virtual campión de liga, a disputa é pola segunda praza, que agora pertence ao At. Novás, que con 34 puntos está empatado co Magope Seis do Nadal, que é terceiro. Xunto co equipo de Chapela, tamén con 33 puntos, está a SAR, e por detrás o Calvo Xiria, con 31. Todos están na pelexa por optar aos “play off”, que se prevé dura ata o final de liga. Os demais equipos, agás os que pelexan permanencia, están no ecuador da clasificación e sen un obxectivo. Matematicamente salvados, e sen opcións de chegar á cabeza da táboa, está precisamente o próximo rival do Castro Chapela, o Luceros. Os de Cangas, con 20 puntos, son novenos na táboa e xa non pelexan por nada. Pero para Teixeira son un rival “imprevisible”, xa que é imposible saber con que xogadores saltarán á pista, ao poder contar con efectivos do primeiro equipo. No partido de ida gañaron no Morrazo, e agora en Chapela queren devolverlle a moeda. Os redondeláns precisan os puntos para seguir optando ás prazas da fase de ascenso. O encontro será o sábado ás 18.30 horas no pavillón municipal de Chapela.  

Fran Teixeira adestrador
En Chapela pelexarán ata o final de liga por entrar na fase de ascenso.
Castro Chapela – Luceros
Partido imprevisible segundo Teixeira porque os de Cangas poden convocar xogadores do primeiro equipo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *