O Construcciones Castro Chapela afiánzase nos primeiros postos da categoría. Son segundos logo de vencer ao Ártabro nun encontro disputado no pavillón de Chapela e que rematou co resultado de 31-16. A SAR defende o seu quinto posto na clasificación logo dunha nova vitoria, neste caso partido disputado na bomboneria cun marcador final de 23-16.
Nada puideron facer os xogadores do Ártabro para parar ao Construcciones Chapela que ao descanso xa tiña resolto practicamente o partido cun claro 18-6. A segunda parte foi tamén para os locais ata chegar ao remate cun contundente 31-16 que os aupa ata o segundo posto da categoría aínda que moi lonxe do líder, o Cisne.
O granitos Ibéricos Carballal tampouco puido facer nada ante unha Sar superior que amosou o seu poderío no segundo tampo, xa que malia chegar ao descanso cun resultado moi igualado de 8-7, o marcador final foi claramente para os locais, vencendo a Sar Plastic Omnium por 23-16
A SAR volverá xogar na casa na vindeira semana e farao contra o Bueu mentres que o Chapela se despraza a casa dun dos últimos clasificados, o Culleredo.
