Hoxe é Venres 30 de Outubro de 2020

Concerto de Narf Trío no Multiusos da Xunqueira

RR_Noticias

Regresan ás actividades ao auditorio do Multiusos da Xunqueira cun concerto enmarcado dentro do programa da Rede de Músicas Soltas a cargo de Narf Trío. Unha actuación que terá lugar este sábado ás 21:00 horas.  O prezo da entrada única é de 4 €, e pódense mercar dende hoxe no multiúsos da Xunqueira, e dúas horas antes o mesmo día do concerto.

A Rede de Músicas Soltas, organizada pola Concellaría de Cultura e mais a Central Folque, continúa este sábado co concerto de Narf Trío, que presentará unha nova visión sobre os poemas de Rosalía de Castro, na súa faciana máis rockeira, recollida no seu disco “Nas tardes escuras”, que xa esgotou a súa primeira edición. A formación en trío está integrada por Fran Pérez Narf, na voz e guitarras; LAR Legido, na batería; e Alberte Rodríguez “Ho Chi Ming” no baixo. O concerto, que se celebrará o sábado 21 de febreiro, ás 21.00 h, no auditorio da Xunqueira, é a oportunidade ideal para gozar da potencia de NARF TRIO logo dun intenso ano de concertos que nos descubrirá a forza do seu orixinal son. O prezo da entrada única é de 4 €, e pódense mercar dende hoxe no multiúsos da Xunqueira, e dúas horas antes o mesmo día do concerto.  

Mauro Senín Central Folque
Fálanos do concerto de Narf Trío

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *