Hoxe é Mércores 25 de Novembro de 2020

O Redondela F.S. busca regresar á senda do triunfo este sábado ante o Baíña

RR_Noticias

Logo de tres xornadas sen coñecer a vitoria, os homes de Julio Mougán busca esta fin de semana na bomboneira un triunfo sobre o Baíña. Os redondeláns queren seguir sumando para non descolgarse dos postos de cabeza logo de caer á cuarta posición da táboa.

As derrotas diante do Autos Leirós e Campito, e o empate co Cafetería Luar, deixan ao Redondela F.S. sen marxe para o erro. O obxectivo agora e regresar á senda do triunfo, e Mougán confía na capacidade dos seus xogadores para “adaptarse á situación” e pelexar por rematar o campionato o máis arriba posible. O técnico advirte que o “compromiso e o traballo semanal están garantidos” por parte do equipo. O sábado mídense no Pavillón Municipal de Redondela ao Baíña, equipo situado na parte baixa da táboa, nunha situación complicada, e que suma só 19 puntos, a metade que o conxunto redondelán. Pero para os locais non son suficientes argumentos como para afrontar o partido con confianza. Mougán lembra que hai dúas xornadas os de Baiona puxeron contra as cordas ao Talleres ABC Vigo, vixente campión, o que demostra que a liga está moi igualada. Por iso sairán á pista de Redondela “ao cen por cen”, nun partido que se disputa o sábado ás 16.15 horas.  

Julio Mougán adestrador do Redondela F.S.
O equipo seguirá pelexando por rematar a liga no máis alto da táboa.
Redondela F.S.- Baíña
O rival malia estar na parte aixa da táboa deu mostras de bo xogo no pavillón das Travesas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *