Hoxe é Martes 27 de Outubro de 2020

Gafas en 3D, complemento indispensable no Redondela en curto

RR_Noticias

O festival, que se vai desenvolver entre o 23 e o 26 de abril, celebra a súa décimo primeira edición na que presentarán como novidade e fóra de concurso un pase de curtametraxes en tres dimensións. Un programa no que se inclúe  tamén a presentación da longametraxe en torno á vida do pintor e restaurador redondelán Angel Barros dirixida por Fernando Carreira Cuchi. O prazo de presentación de traballos para participar no festival remata o 20 de febreiro. Os organizadores contan con superar as 700 curtametraxes que optarán a un único premio outorgado polo público dotado con 1.500 euros.

A falta de que remate o prazo de presentación de traballos hai xa máis de cincocentas curtametraxes “na súa maior parte dramas” segundo explica o director Fernando Carreira Cuchi, quen engade que xa están visionando os traballos para reducir o groso do material recibido a tan só as 16 curtametraxes que entrarán a concurso. Un festival que incluirá a presentación dunha longametraxe documental na que se fai un percorrido pola vida e obra do pintor e restaurador redondelán Angel Barros, un home que logo de emigrar na posguerra chega a traballar como restaurador no museo do Louvre. Non é esta a única novidade, xa que ademais da sección oficial a concurso, este ano ábrese tamén unha sección complementaria coa proxección das mellores curtametraxes en tres dimensións que se están a ver noutros festivais. Os que queiran participar na sección oficial terán que presentar curtametraxes que oscilen entre os 4 e os 30 minutos, só se aceptarán os xéneros de ficción que foran  producidas despois do 1 de xaneiro de 2013. O prazo de presentación de traballos remata o 20 de febreiro. As bases pódense consultar na páxina web do festival www.redondelaencurto.com        

Fernando Carreira Cuchi director
O 3D é unha das novidades desta XI edición
Documental de Angel Barros
Unha longametraxe que se presentará este ano

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *