Hoxe é Domingo 14 de Agosto de 2022
Stations
NOTHING FOUND!
Current listeners: 
Peak listeners: 

O Campito sorprende ao RedondelaFS e afasta aos de Mougán dos postos altos

RR_Noticias

O Campito FS pegou máis forte e conseguiu levar o derbi disputado na bomboneira cun marcador final de 4-6. Unha derrota para o Redondela que os afasta de pelexar polos postos altos da categoría xa que malia ser terceiros xa se atopa a catro puntos do segundo e a dez do líder, o Sala Ourense. Na Autonómica Norte o Arealonga caía na súa visita ao campo do Ventorrillo por 4-3.

O Campito FS foi superior dende o inicio do partido, cunha saída moito máis agresiva e intensa, e cunha concentración maior, que lle permitiu contar cunha renda no minuto 16 de 1-4, vantaxe que poñía moi difícil as cosas aos locais.
Os redondeláns non se viron derrotados e nos últimos cinco minutos conseguiron reducir a vantaxe en dúas ocasións a tan só un gol, poñendo contra as cordas aos de Chapela, pero o Campito reaccionou impedindo a remontada dos locais.
Un partido que permitiu aos espectadores gozar dun excelente encontro que tivo de todo, emoción, tensión e un nivel técnico táctico na cancha que non ten nada que envexar a categorías superiores.
O Redondela perde o tren de pelexar nos postos altos e o colchón que mantiña cos seus perseguidores. A semana que ven terá unha final en Mos cos segundo da categoría, o Autos Leirón. Pola contra, o Campito suma tres puntos que os afastan dos postos baixos da categoría, vantaxe que poderían incrementar na vindeira semana, xogan en Chapela e fano co noveno do grupo, o García Araujo.
Houbo tamén competición na Autonómica Norte, cun Arealonga que na súa visita ao campo do Ventorrillo perdía por 4-3. Na vindeira semana reciben ao Outeiro Rei, cuarto na categoría.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará