Hoxe é Xoves 22 de Outubro de 2020

O BNG adianta en Redondela a exclusión do xeito das artes prohibidas pola Unión Europea

RR_Noticias

A eurodeputada Ana Miranda trasladou aos mariñeiros da confraría de Cesantes que a Comisión Europea ten previsto excluír a arte de pesca artesanal do xeito da prohibición que afecta ás redes de deriva. Segundo explicou Miranda a decisión chega en resposta á visita organizada polo grupo nacionalista o pasado mes de decembro e que permitiu aos representantes do sector pesqueiro galego explicar en Bruxelas os efectos que podería ter esta prohibición nun sector vital da economía galega e defender que se permita o uso “dunha arte centenaria e respectuosa co medio mariño”.

A nacionalista criticou tamén que esta información en defensa do xeito non se tivera trasladado no seu día a Europa dende o goberno galego quen non emitiu ningún tipo de alegación en contra das pretensión da UE. Na reunión celebrada onte e onde se deron cita traballadores do sector, Ana Miranda lembrou outras frontes abertas na actualidade e que pasan por evitar que os fondos procedentes de Europa sexan destinados á “encher ás rías de plantas de acuicultura” porque segundo dixo “ese é o obxectivo da Xunta que quere así desfacerse do sector pesqueiro e marisqueiro por resultar incómodo”. Ante estes e outros perigos a eurodeputada aboga por amosar unión e poñer en marcha iniciativas sociais. Entre elas propuxo a elaboración dun manifesto en defensa do sector do mar para facer presión en Europa esixir que os posibles fondo que cheguen de Bruxelas sexan “repartidos xustamente”. A reunión celebrara na xornada de onte na Cada da Cultura contou coa presenza de mariñeiros pero tamén mariscadores e mariscadoras que amosaron a súa preocupación ante a mortaldade e diminución do marisco na rías. Dende o BNG de Redondela tanto Cecilia Pérez como Anxo Lusquiños salientaron que o noso concello converteuse nun dos abandeirados na loita en defensa do xeito.  

Ana Miranda eurodeputada BNG
A arte do xeito será excluida da prohibición
Reparto de axudas
Denuncia o interese da Xunta de que as axudas europeas acaben destinándose á implantación de plantas de acuicultura
Iniciativas sociais
Promover manifestos en favor do sector

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *