O Departamento de Servizos á Comunidade deste instituto celebra dende o 12 ao 14 de xaneiro unhas xornadas de formación que baixo o título “Miradas Diversas na Infancia”, céntranse na infancia con diversidade funcional e as súas necesidades. Os alumnos achéganse á realidade do autismo, a parálise cerebral ou outras cuestións relacionadas coa atención temperá.
As Xornadas van dirixidas ao alumnado de Formación Profesional dos Ciclos de Atención a Persoas en Situación de Dependencia e ao Ciclo de Educación Infantil.
Desta maneira, desde o Departamento de Servizos á Comunidade, persegue ofrecer unha formación específica ao seu alumnado coa participación de profesionais especialistas que traballan directamente no ámbito da discapacidade infantil. A través de charlas e obradoiros prácticos abordarase cuestións relacionadas coa atención temperá, coa infancia e o autismo, con parálise cerebral, ou o papel da familia no desenvolvemento destas crianzas.
