Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

Nace a Asociación de “Amigos das Bibliotecas Municipais de Redondela”

RR_Noticias

Un grupo de usuarios constitúe a “Asociación de Amigos das Bibliotecas Municipais de Redondela” cuxo obxectivo é o apoio e promoción do labor das devanditas bibliotecas e as súas actividades, así como achegar a cultura e a lectura á cidadanía. Esta agrupación desexa chegar a todas aquelas persoas anónimas e institucións que aman a lectura e as bibliotecas.

Presidida por Mercedes Méndez, a creación desta iniciativa sen ánimo de lucro remóntase a hai uns meses, cando un conxunto de usuarios que acudía de forma habitual aos clubs de lectura das bibliotecas, entendían que era necesario unha asociación deste tipo para dar a coñecer e impulsar o seu labor así como apoiar o desenvolvemento das actividades culturais das mesmas incentivando novas iniciativas. “Amigos das Bibliotecas Municipais de Redondela” constituíuse como asociación no mes de outubro con seis membros na súa xunta directiva, da que forman parte, xunto a Mercedes Méndez, Mª Dolores Daviña -vicepresidenta-, Marta Rodríguez-secretaria- e David Faro, tesoureiro. En breve, informarán sobre o modo de asociarse así como das primeiras actividades que levarán a cabo.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará