Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

Primeira derrota como locatarios para o Redondela nunha xornada de triunfos para Campito e Arealonga

RR_Noticias

Dura derrota para o RedondelaFS, nun partido no que perderon 1-5 ante o Cereixa. O seu adestrador Julio Mougán explica que o equipo xogou dous encontros “un ata o minuto 34, onde o equipo estaba a dar a cara e outro ben distinto nos últimos seis, onde o parón dunha media hora motivado pola lesión de Tizón prexudicoulle en exceso para acabar cedendo os tres puntos ante o rival”. Mellor sorte correron os dous equipo de Chapela, o Campito ante o Baíña e o Arealonga ante o Hotel Roma fixéronse cos puntos en xogo.

A primeira metade para o Redondela FS estivo marcada por un desgaste físico importante. Joseillo nunha falta poría o primeiro tanto no luminoso, e a falta de sete segundos Juan desperdiciaría un 10 metros que podería ter sido unha boa vantaxe para o descanso.
Nada máis iniciarse a segunda metade os de Gondomar conseguían empatar o partido dende aquí ata o parón, o Redondela xogou un moi bo fútbol sala que non se viu recompensado en forma de gol. No minuto 34 chegaría a clave do encontro cunha lesión de Tizón. O xogo estaría parado sobre media hora, ata que unha unidade medicalizada do 061 trasladaba a un centro médico ao xogador.
Nada máis reiniciarse o xogo o Cereixa lograría dous tantos poñéndose por diante 1-3. Malia os intentos do Redondela serían os de Gondomar os que lograrían aínda dous tantos máis ata o definitivo 1-5.
Duro golpe a nivel deportivo e humano o sufrido na Bomboneira polos xogadores do Redondela FS. Agora son cuartos e o vindeiro sábado xogan cun rival directo, desprázanse ao campo da Quinta de Tui. Jorge Tizón, a quen lle foi diagnosticada unha luxación no ombreiro deberá estar un mes afastado do campo ata a súa total recuperación.
Mellor lle foron as cousas ao Campito que na súa vista ao campo do Baíña facíanse cos puntos en xogo logo dunha avultada vitoria 1-5. o sábado 20 reciben no pavillón de Chapela ao Tui Futsal.
Na autonómica norte o Arealonga FS brindáballe a súa afección un triunfo ante o Hotel Roma. 5-2 foi o resultado do partido disputado no pavillón de Chapela. Repitan na casa na próxima semana, reciben ao pechacancelas do grupo, o Xarío.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará