Hoxe é Xoves 21 de Xaneiro de 2021

Concentración na confraría en contra da eliminación da arte do xeito na ría

RR_Noticias

A Asociación de veciños de Cesantes e a confraría de pescadores de Redondela convocan mañá xoves unha concentración pacífica as cinco da tarde nas inmeidación da lonxa. O obxectivo é amosar o seu apoio aos traballadores do mar para que a Unión Europea estableza unha excepción na prohibición da pesca con redes de deriva e permita que os pescadores de xeito continúen empregando esta arte por entender que se trata dunha actividade tradicional que non esquilma os recursos mariños.

Neste sentido, o Parlamento de Galicia aprobou por unanimidade un acordo en apoio da actividade das embarcacións que empregan a arte do xeito. O acordo rexistrouse por mor dunha iniciativa do BNG, na que o seu deputado Daniel Rodas demandaba do Goberno galego medidas ante a decisión do ministerio de pechar a pesqueira da sardiña que afecta a máis de 427 embarcacións dedicadas a esta pesqueira coa arte citada, das cales 40 son de Redondela.
Para o parlamentario nacionalista, as embarcacións do xeito representan no conxunto da pesqueira unha cantidade pequena, pero impedir a súa actividade conduce á precariedade e obriga a ter paralizada unha parte importante do sector, que tiña nesta arte unha alternativa ante as escasas capturas no marisqueo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *