Hoxe é Luns 2 de Agosto de 2021

O PSOE reclama ao goberno local que mellore o acceso a Cidadelle

RR_Noticias

O grupo municipal socialista reclama ó alcalde de Redondela, Javier Bas, que axilice as xestións para garantir a viabilidade da subida a Cidadelle nos próximos meses. Un compromiso que, segundo explican “o goberno local anunciou ata en tres ocasións garantindo que o barrio de Cidadelle contaría cunha entrada dende a estrada Nacional”.

Aseguran os socialistas que os trámites para esta obra comezáronse antes da chegada de Javier Bas á alcaldía pero que tras máis de tres anos “parece que o goberno do Partido Popular non tivo a capacidade de culminar o proceso para poder dotar á subida a Cidadelle dunha nova entrada”.
A agrupación socialista de Redondela entende que este proxecto é moi necesario para o barrio de Chapela e para o lugar de Cidadelle en particular. Engaden que malia ser conscientes de que “as expropiacións son lentas, non entendemos que aínda non se puidera avanzar neste proxecto. Eduardo Reguera acusa ao PP local de “vender fume no lugar de volcarse na mellora da entrada da subida a Cidadelle”
Por todos estes motivos, solicita ó alcalde que “determine de xeito claro o estado deste proxecto, estableza prazos cribles e abordables para a súa execución e aclare se ten pechada a colaboración de outras administracións para o mesmo”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *