Hoxe é Martes 24 de Novembro de 2020

O Choco mídese ao Silva pendente da decisión de Competición pola aliñación indebida do Xuventú

RR_Noticias

Este domingo os de Jacobo Montes desprázanse a terras coruñesas para disputar a terceira xornada de liga diante do Silva. Trátase dun equipo recén ascendido e que será rival directo do Choco na loita pola permanencia en Terceira División.

Para o técnico é un encontro ao que teñen que acudir “coa máxima concentración” e co obxectivo de sumar os tres puntos. Amosa “moito respecto polo rival”, xa que malia a ser un recén chegado á categoría, o Silva xa demostrou a súa calidade na xornada inaugural ao gañar por 2-0 ao Barbadás no campo da Grela. Sumar diante dun dos seus rivais directos pola permanencia é vital para o Choco, que polo de agora só suma un punto do empate en Santa Mariña co Vilalbés. Con todo, a situación dos redondeláns podería mellorar en función da decisión que adopte a xuíza de Competición sobre a reclamación polo partido disputado co Xuventú Sanxenxo. O Choco impugnou o resultado (1-0) por aliñación indebida do xogador Diego Peña. O argumento crave para promover a impugnación é que o defensor acumula unha sanción da pasada tempada por acumulación de 5 cartóns amarelos cando militaba no seu anterior club, o Grixoa. Jacobo Montes advirte que o regulamento “está para cumprilo” e que como responsable deportivo do Choco sempre ten “moi presente” a situación de cada xogador para evitar situacións deste tipo. O club redondelán espera unha decisión da xuíza de Competición a vindeira semana.  

Jacobo Montes adestrador
Os redondeláns desprázanse a terras coruñesas con moio respecto polo rival.
Reclamación a Competición
O Choco está pendente da decisión da xuíza de Competición logo da reclamación no partido co Xuventú.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *