Hoxe é Mércores 21 de Outubro de 2020

O lixo convérsese en arte

RR_Noticias

Un ano máis o Artelixo encherá Redondela de sorprendentes obras de arte elaboradas con material de refugallo. O acto inaugural consistirá nunha “procesión ratil” que partirá o domingo 7 ás 21:00 horas dende a praza do concello para rematar no atrio da Igrexa onde se repartirá pan e viño entre os asistentes. Unha das novidades máis salientables desta edición e a colaboración do comercio local que exporá algunhas das obras de pequeno formato nos seus escaparates.

En total son 40 as esculturas presentadas, das cales 23 serán expostas nas rúas e prazas do casco urbano mentres que as 17 restantes, de menor tamaño, poderanse ver nos escaparates doutros tantos comercios colaboradores ata o sábado día 13. Para facilitar o percorrido por estas obras a partir de mañá a organización comezará a repartir un plano no que se recolle a ubicación de cada unha delas. Un museo ao aire libre no que participan artistas locais pero tamén obras chegadas do Condado, Vigo e outras localidades da provincia. Dende o colectivo Sen Ghasoil, organizador da actividade coa colaboración de Josefá, animan aos veciños a achegarse a esta particular galería de arte e a participar tamén activamente do acto inaugural o domingo cunha obra interactiva que leva por nome “labirinto do lixo” e a posterior “procesión ratil” que partirá ás  21:00 horas para rematar no atrio da Igrexa onde se repartirá entre os asistentes pan e viño.  

Ana Bea Rodríguez SenGhasoil
Un total de 40 obras repartidas por prazas rúas e comercios
Procesión ratil no acto inaugural
Sairá ás 21:00 horas dende a praza do Concello
Colaboración do ocmercio
Algunhas obras de pequeno formato poderánse ver nos escaparates comerciais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *