Este domingo, día 10 de agosto, A Teixeira vaise converter na capital gastronómica da bisbarra, coa súa III Festa do Polbo. Comezarán ás 11.00 horas coa degustación de produtos na carpa, xa que ademais do prezado cefalópodo, a organización ofrece tamén churrasco e chourizos a prezos populares.
As racións de polbo venderanse a 8 euros, os criollos a 2 euros e o churrasco a 5 euros. Prezos económicos que tamén se trasladan ás bebidas, co viño albariño ou tinto a 5 euros a botella. Desde a comisión de festas Mario Otero convida a todos os veciños da bisbarra á achegarse a esta festa, que malia celebrarse desde hai só tres anos, conta xa cun nutrido grupo de seguidores. A cita será no torreiro da Gándara, cunha ampla carpa para protexer aos asistentes das inclemencias meteorolóxicas. O recinto conta ademais cunha ampla zona de aparcadoiro no campo de fútbol anexo.