Hoxe é Xoves 29 de Outubro de 2020

Cesantes, unha praia para “xente sen complexos”

RR_Noticias

A bandeira azul ondea xa na praia da Punta en Redondela. Un distintivo de calidade que recoñece a calidade das augas así como os servizos e accesos cos que conta un areal. Un acto que tiña lugar o pasado sábado e que supón “unha data sinalada para os choqueiros xa que é a primeira bandeira azul para o noso concello” segundo dixo o alcalde Javier Bas quen engadiu que este recoñecemento “é un estímulo e un reto para seguir mellorando no futuro e poder acadar máis bandeiras para outros areais do municipio”.

Nesa idea afondou tamén o concelleiro de medio Ambiente, Miguel Angel Álvarez Ballesteros, quen insistiu en que esta bandeira supón un “aliciente para que sigamos a traballar para que a praia estea máis coidada e máis limpa e para que se melloren os accesos a un areal que conta cunha beleza natural que nada ten que envexar a outras praias con máis sona”. Comparaba o edil a praia da Punta coas “mulleres de Redondela, que para nos son as máis fermosas” e animaba os veciños a gozar dunha praia “para xente sen complexos”. Un acto no que estiveron presentes o goberno ao completo pero tamén representantes dos grupos da oposición e o vicepresidente da Asociación de Educación Ambiental e do Consumidor (ADEAC) José Palacios quen insistiu en que estes distintivos non responden a criterios “políticos nin económicos”. Lembrou que a bandeira azul é a resposta a uns criterios de calidade consensuados con máis de 70 paises “unha bandeira que non se compra senón que se concede en atención a uns criterios obxectivos que valoran a calidade das augas, que neste caso é excelente, a limpeza, os accesos e a atención ás persoas con discapacidade”. Tendo en conta tamén que existan actividades de carácter medioambiental “un mínimo de cinco ao longo do ano que sirvan para concienciar a todos os veciños na necesidade de coidar e respectar o entorno”. Finalmente, o alcalde insistiu en que dende o goberno local “traballaremos con perseverancia para que Redondela poida alcanzar no futuro máis distintivos como este”.  

Javier Bas alcalde
Entende que a oncesión da bandiera axul é un aliciente para seguir traballando na mellora das praias
Orgullo polo noso
Animos aos veciñoso a sentírense orgullosos da nosa vila
Miguel Angel Alvarez edil de Medio Ambiente
Unha praia que nada ten que envexar a outras da comunidade
Unha praia para xente sen complexos
O edil botaba man dun slogan publicitario
José Palacios ADEAC
Insistía no espíritu non político nin económico do galardón

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *