Hoxe é Luns 2 de Agosto de 2021

Jorge Mira recibe un dos premios Peña Novo que se entregan mañá en Soutomaior

RR_Noticias

O catedrático baiés Jorge Mira é un dos galardoados nesta edición pola Fundación Lois Peña Novo que quere así recoñecer o traballo daquelas persoas e entidades que destacan polo seu labor a prol da normalización do galego. Este ano tamén son galardoados o Colexio Oficial de Traballadores e Traballadoras Sociais de Galicia e a maxistrada do xulgado do social número 3 de Lugo, Dalila Dopazo Blanco.

O xurado da vixésima edición do galardón, composto por José María Barja Pérez, catedrático e ex reitor da UDC; a escritora Inma López Silva; Clodio González Pérez, etnógrafo e gañador do galardón o ano pasado, Celia Soto Espiña, xefa dos Servizos Lingüísticos da Deputación de Pontevedra; Luís García Mañá, comisario de policía e escritor, e Carme Pérez Vaquero, secretaria de fundación, valorou de Jorge Mira -coñecido popularmente polo programa da TVG Cifras e letras- o “compromiso persoal que desde hai anos exerce coa incorporación da lingua galega nunha especialidade científica na que non abundan os exemplos”. Salientan tamén que “ninguén coma el logrou achegar a ciencia á xente non experta sendo un exemplo a seguir dentro da comunidade universitaria”
Xunto con Mira o xurado recoñeceu tamén o traballo do Colexio Oficial de Traballadores e Traballadoras Sociais de Galicia así como á maxistrada do xulgado do social número 3 de Lugo, Dalila Dopazo Blanco. A entrega dos premios celebrarase mañá xoves 26 de xuño no Castelo de Soutomaior ás 19.30 horas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *