Hoxe é Sábado 16 de Outubro de 2021
History
Stations
NOTHING FOUND!

Saxamonde solicita a construcción dunha rotonda no Alto dos Valos

RR_Noticias

O Consello Parroquial solicita aos grupos políticos que poñan en marcha as xestións pertinentes para solicitar unha partida nos vindeiros Orzamentos Xerais do Estado para a construcción dunha rotonda no Alto dos Valos. Reclama tamén que o goberno municipal inicie as xestións pertinentes para que o Ministerio de Fomento e a Deputación cheguen a un acordo para a construcción de dita rotonda así como outras  melloras encamiñadas a incrementar a seguridade viaria no lugar.

O Altos dos Valos, lugar no que se produce o cruzamento de estradas N-550 e EP 2906, nos límites entre os concellos de Redondela, Pazos de Borbén e Mos é, segundo explican os veciños, un dos puntos negros da rede viaria da provincia, cunha intensidade media diaria que supera os 9.000 vehículos que realizan manobras que poñen en risco a seguridade de conductores e mesmo peóns. A instalación dun límite de velocidade de 50km/h, xunto a un radar, supón unha medida que só en parte mitiga a situación pero que non elimina unha perigosidade debido á confluenza de varias estradas de alta densidade. Ademais existe un importante número de vehículos pesados que a cotío atravesan o Alto dos Valos para circular en sentido Pontevedra, ou en sentido O Porriño/norte de Portugal.
As competencias sobre a estrada nacional recaen no ministerio de Fomento mentres a Deputación é quen ten as competencias sobre a estrada provincial
Por este motivo dende o consello parroquial de Saxamonde entenden que a solución máis viable do problema da seguridade viaria no Alto dos Valos pasa pola construcción dunha rotonda, unha obra que require a colaboración dos diferentes organismos competentes e que dende o Concello se lles presione para que negocien a construcción da rotonda.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *