Hoxe é Mércores 21 de Outubro de 2020

O BNG critica que Bas “empregue todo tipo de artimañas para se salvar”

RR_Noticias

Cualifica de “vergoñento” que logo de solicitar o apoio dos grupos para crear unha comisión de expertos de urbanismo comparase a proposta feita polo edil socialista Luís Orge para esta comisión coa suposta “recomendación” do alcalde de O Porriño Nelson Santos para que contratase á empresa Radio Pérez. Asegura tamén o Bloque que na súa comparecencia Javier Bas nada aclarou sobre eses supostos “tratos de favor” coa empresa de electricidade.

O BNG insiste na relación causa-efecto entre a conversa de Bas co alcalde de O Porriño e a contratación dunha empresa de electricidade de dita localidade, Radio Pérez e entenden que as explicacións dadas polo rexedor de Redondela no último pleno municipal a petición dos grupos da oposición PSOE e AER “non aclararon para nada estes presuntos tratos de favor”. O bloque entende que hai varios feitos incontestables como son que “as conversas telefónicas presumiblemente sentarán a declarar a Javier Bas como testemuña na causa contra Nelson Santos e en segundo lugar, a relación causa-efecto, entre a devandita conversa e que a empresa volvera a ser contratada”. Para o BNG un dos momentos máis vergoñentos da comparecencia tivo lugar coa referenza que fixo Javier Bas á proposta feita polo edil socialista, Luís Orge, para o comité de expertos do PXOM. Un comité que se encargaría de avaliar os proxectos presentados para a redacción deste documento urbanístico. O rexedor local facía no transcurso do debate unha comparación entre a proposta feita por Orge e a “recomendación” de Santos. Os nacionalistas acusan a Bas de recorrera a “unha artimaña” para se salvar e “crear confusión entre os veciños e veciñas” en palabras do concelleiro Xoán Carlos González.  

Javier Bas-Luis Orge
Momento do debate aludido polo BNG

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *