Hoxe é Mércores 16 de Xuño de 2021

A empresa Radio Pérez recomendada por Santos facturou ao concello de Redondela 21.779 euros

RR_Noticias

O PSOE denuncia que a empresa recomendada a Javier Bas polo investigado alcalde de O Porriño, Nelson Santos, facturou ó concello de Redondela 21.779,76 euros en alumeado dende a conversa entre os dous rexedores e que se fixo público no marco da investigación da Operación Multiusos na que se atopa inmerso o alcalde porriñés.

A empresa Radio Pérez realizou traballos para o concello de Redondela por valor de 21.779,26 euros en alumeado, 11.903,74€ en Redondela e 9.876,02€ nas parroquias. Unha contratación que se tería producido semanas despois de conversa feita pública no marco da operación Multiusos e na que o alcalde de O Porriño, o popular Nelson Santos, falaba co rexedor de Redondela recomendándolle a contratación desta empresa de electricidade. Dende o PSOE critican que Javier Bas e a concelleira Herminda Quelle aceptaran a recomendación do rexedor de O Porriño  “que agora está sendo investigado por unha trama de corrupción”.
Dende o grupo socialista presentaron o pasado venres unha petición de comparecencia para que Bas explique as relacións que mantén coa mencionada empresa Radio Pérez e que explique cales son as deficiencias que foron detectadas no seu día e que levaron a que o concello de Redondela prescindise dos seus servizo e “que agora parecen estar solucionadas”. O voceiro socialista, Eduardo Reguera amosa a súa preocupación porque “algunha das empresas que traballe para o concello non teña ós traballadores en regra. Por este motivo, creo que merecemos unha explicación sobre este asunto”.
Reguera engade que o PP de Redondela, a través do seu perfil de facebook deu a súa versión sobre a súa relación con Radio Pérez explicando que se contratou a esta empresa por ser a máis económica das tres ofertas presentadas pero engade “o PP en ningún momento específica cal é a cifra que facturou Radio Pérez ó concello nin indica que outras empresas se presentaron nin os seus orzamentos”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *