Hoxe é Luns 3 de Outubro de 2022
Stations
NOTHING FOUND!
Current listeners: 
Peak listeners: 

Afectados pola ampliación da AP-9 pendentes dunha reunión con responsables de Fomento

RR_Noticias

O BOE publicaba no festivo das Letras galegas a aprobación do proxecto definitivo e a orde para iniciar as expropiacións dos tramos de ampliación da AP-9. O proxecto construtivo que permitirá dotar a ponte e o tramo da autoestrada que cruza por Chapela cun terceiro carril en cada sentido ascenderá a 180 millóns de euros. O anuncio abre a porta a que Audasa inicie o proceso de contratación para unha obra que conta cun prazo de execución de 36 meses.

O anuncio era esperado pola Asociación de afectados pola AP-9 de Chapela logo das recentes declaracións da ministra de Fomento, Ana Pastor. De feito, dende esta asociación teñen previsto realizar unha asemblea veciñal e non descartan retomar as mobilizacións en contra desta obra que entenden vai ser moi prexudicial para a parroquia. Malia todo e logo de reunirse co alcalde, Javier Bas a pasada semana, decidiron pospoñer calquera iniciativa á espera dunha reunión comprometida dende o goberno local co director xeneral de Carreteras, Jorge Urrecho Corrales. Nesa xuntanza coñecerán xa polo miúdo as expropiacións que se prevén realizar na parroquia e os nomes e apelidos dos veciños que se van ver afectados.
Unha vez dispoñan de dita documentación convocarán unha asemblea para informar aos veciños.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará