Hoxe é Xoves 22 de Outubro de 2020

O Festival de Títeres abre a programación de sala co Documental Homenaxe a Juanjo Amoedo

RR_Noticias

Hai xa quince anos que se puxo en marcha o Festival Internacional de Títeres de Redondela, e a organización quere celebralo coa proxección dun documental sobre a figura do redondelán Juanjo Amoedo, impulsor do certame. O acto servirá para abrir a programación de sala, que continuará a partires do mércores con representacións para adultos, público familiar e infantil.

Amoedo, involucrado no movemento veciñal e asociativo de Redondela, sempre teimou pola celebración dun festival de monicreques na vila, aproveitando a existencia da compañía local Tanxarina como referente. O seu obxectivo era involucrar a todos os colectivos redondeláns para sacalo adiante. O seu inesperado falecemento nun accidente doméstico impediulle levar adiante o seu soño, pero animou a un amplo abano de asociacións locais a facelo realidade como unha homenaxe ao seu compromiso social. Luis Crespo, organizador do festival, destaca que nesta XV edición do certame, farase unha homenaxe á súa figura cun documental elaborado por Cuchi Carreira. Con esta cita abrirase a programación de sala mañá martes, ás 21.00 horas no Multiusos da Xunqueira. Logo do programa escolar e das funcións en sala que se desenvolverán durante a semana, será sábado e domingo cando se concentren o groso das funcións. Actuacións de rúa a cargo de compañías como Rocamora Teatre, Teatro Senj, Sa Marionetas, Txo Titelles ou Lexcuse Teathre, entre outros, comporán, como é habitual, unha programación frenética os días 24 e 25. Ademais de títeres, haberá actuacións musicais a cargo de The Turres Band, Caramuxo Vermello e As Suripantas, ademais do concerto-espectáculo Son Titiriteiro, coa participación de múltiples grupos e formacións redondelás.

Luis Crespo organizador do festival
Un documental-homenaxe a Juanjo Amoedo abre a programación de sala.
Actuacións destacadas
Unha variada programación para unha semana de títeres.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *