Hoxe é Luns 20 de Setembro de 2021
History
Stations
NOTHING FOUND!

Os votos do público outorgan o premio do Redondela en curto á curtametraxe “El tío”

RR_Noticias

Unha cinta de carácter social do director Alex Montoya recibiu o premio á mellor curtametraxe de entre as 16 que participaron na X edición do Redondela en curto. “Sé verlas al revés” recibiu o premio da sección Curtamobil na que participaron películas gravadas con teléfono móbil ou tablet. O premio Andaina foi concedido á película de Javier Espinosa “El amor a los veinte años”.

Catro días de festival que reuniron, sobre todo na fin de semana, a un importante número de espectadores que se achegaron ao Multiusos para gozar das 16 películas preseleccionadas pola organización do certame. Unha décima edición que presentaba como novidade salientable o feito de que foi o público cos seus votos o que decidiu que os 1.500 euros do premio foran para o título “El tío”, unha curtametraxe de carácter social que superou en número de votos a outras curtas que partían como favoritas como Sequence ou 2:43. Dende a organización Fernando Carreira Cuchi agradeceu especialmente aos veciños doutras localidades que nestes días se achegaron á vila para gozar do cine. Pola contra lamenta que sega a ser unha das contas pendentes animar aos propios veciños da vila a achegarse ao certame que dedicou de xeito especial ao seu pai, presente na sesión de clausura. Dende a Concellería de Cultura Julio Alonso salientou o traballo existente detrás da organización do evento, dende o visionado das 700 película recibidas pasando pola elaboración do programa e a posta en marcha das diferentes actividades que contaron nesta edición tamén coa música, a cargo da Banda de Música de Chapela e o grupo Jazzmarryed, que amenizaba os minutos previos a cada pase no Multiusos.  

Julio ALonso edil de cultura
O Concelleiro facía públicos os premios
Agradecementos
O edil convidaba ao público a asistir o vindeiro ano
Fernando Carreira Cuchi director do festival
Agradecía especialmente ao público chegado de fora a súa presenza
Público soberano
A decisión dos espectadores non coincidiu coas quinielas feitas dende a organización

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *