Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

O Choco non pode con As Pontes

RR_Noticias

O mal estado do terreo de xogo, os acertos dos locais a balón parado e as decisións arbitrais condicionaron o partido que acabaron perdendo os de Jacobo Montes por 3-2. A derrota diante deste rival directo afástaos cinco puntos da promoción de ascenso.

Terceira Autonómica
As Pontes 3-2 Choco
Na primeira metade o partido foi tranquilo, con algunhas chegadas de perigo nas dúas áreas, pero sen goles. Aos vinte minutos de xogo os redondeláns crearon perigo pero o tanto de Yerai foi anulado por fóra de xogo. Xa na segunda metade Sergio Arias adiantou aos seus logo de aproveitar un balón en longo para desbordar á defensa do Choco e sortear a Cortegoso. O empate chegou nunha nova acción de estratexia do equipo local pero, nesta caso, os de Redondela lanzaron o contragolpe por medio de Yerai, que habilitou a Caloi e Amado o derribou dentro do área. Pena máxima, cartón vermello e gol de Pablo Couñago. Coa igualada e cun home máis sobre o terreo de xogo, o encontro parecía favorable para os de Jacobo Montes. Pero non foi así. O acerto de Bossa a balón parado levou ás Pontes a sumar dous goles por medio de Iván González e Chicho. Aínda así, o Choco tentouno ata o final do partido. Chegou un novo gol anulado, neste caso a Pablo Couñago. O central Saúl recortou distancias dentro dos últimos cinco minutos cunha falta que petou na barreira antes introducirse na portería do rival. Quedaban sete minutos para rematar o enfrontamento, pero o Choco xa non foi quen de acadar a igualada. Agora, os de Jacobo Montes quédanse na sexta praza a cinco puntos da promoción de ascenso que marca o Pontevedra. Moitos puntos para as cinco xornadas que quedan por disputar. A próxima cita será o domingo en Santa Mariña, diante do Betanzos, da metade baixa da táboa.
Segunda Autonómica

Choco B 2-0 Sampaio
O Choco B escala ata a 3ª praza logo de derrotar ao Sampaio, un dos pechacancelas. Na próxima xornada xogarán no campo do Chaín, o 2º clasificado.
Umia 1-2 Arcade
O Arcade segue na metade baixa da táboa logo da derrota no campo do Umia. E na próxima xornada terán máis complicado aínda poder mellorar resultados xa que reciben ao Beluso, o 2º do grupo.
Bueu 3-1 Soutomaior
O Soutomaior mantén o posto 11º malia a derrota co Bueu. A próxima xornada poderían remontar algunha posición xa que reciben ao Marín B, pechacancelas do grupo.
Terceira Autonómica

Cesantes 1-1 Cotobade
Reparto de puntos entre o Cesantes e o Cotobade que mantén aos redondeláns na metade da táboa. Na próxima xornada xogan no campo do líder, o Poio.
Montecastelo 2-2 At.Vilar
O Vilar mantén a 10ª posición logo do empate co Montecastelo, o seu inmediato perseguidor. Na próxima xornada reciben ao Casablanca, situado no pozo da clasificación.
Nespereira 2-3 Juvenil
O Nespereira baixa un posto, ata a 6ª praza, logo da derrota diante do Juvenil, que se mantén na 2ª posición. Na próxima xornada xogan no campo do Castelo (8º).

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará