Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

Chapela e SAR fan os deberes

RR_Noticias

Heroica vitoria do Chapela ante o Torrelavega por 27-26, un resultado que permite aos de Fran Teixeira seguir soñando coa permanencia na División de honra Prata. Tampouco a SAR decepcionou aos seus seareiros ao lograr un triunfo na bomboneira ante o Vitaldent Pontevedra, un encontro que rematou co resultado de 26-20 a favor dos redondeláns.

Importante triunfo o acadado esta fin de semana polo Chapela que lograba un axustada vitoria, 27-26 ante o Torrrelavega. Un partido emocionante no que os dous equipos loitaron polos tres puntos en xogo. Chegábase ao descanso cun empate no marcador 14-14. Na segunda parte as cousas pouco mudaron e os dous equipos foron alternativamente situándose por diante no marcador chegándose cara ao final á fase máis bronca do encontro con varias exclusións e cinco penaltis consecutivos do Chapela. O partido resolveríase a falta de corenta segundos cando un gol de Rubén certificou o triunfo do Construcciones Castro Chapela.
Malia levarse os tres puntos en xogo continúan os de Redondela en postos de descenso, son terceiros pola cola e na vindeira fin de semana teñen unha cita complicada, xogará no campo do cuarto clasificado, o Sinfin.
Dous conxuntos recen ascendidos, A Sar Plastic Omnium e o VItaldent Pontevedra, medían as súas forzas na bomboneira e malia que na primeira parte as cousas estiveron moi igualadas, chegándose ao descanso cun 12-11 no marcador, o xogo mudou a partir do descanso. Na segunda parte os xogadores de Diego deixaron xa sentenciado o encontro nos primeiros 15 minutos, chegándose ao final co resultado de 26-20 a favor da SAR.
A SAR situada no oitavo posto da táboa desprázase na vindeira semana ao campo do Seis do Nadal, equipo situado no cuarto posto da táboa en primeira nacional.
 
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará