Hoxe é Venres 30 de Outubro de 2020

O xadrez como ferramenta contra o fracaso escolar

RR_Noticias

Un total de 135 rapaces dos colexios públicos de Redondela participarán do programa municipal “Xadrez nas escolas” que promove o uso desta actividade como xeito de mellorar as ensinanzas de matemáticas e lingua e en xeral favorecer a socialización, creatividade e concentración dos participantes.

Os beneficios que a práctica do xadrez achega a calquera persoa que o practica son a día de hoxe indiscutibles: mellora a creatividade e a concentración, favorece que os rapaces aprendan a buscar solucións aos problemas, mellora os resultados académicos xa que está demostrado que os alumnos que teñen practicado este deporte obteñen mellores cualificacións que aqueles que non o fixeron e axuda tamén a socializarse. Conscientes destas e doutras vantaxes da súa practica, os colexios de Redondela contarán a partir do vindeiro luns cun programa pioneiro que baixo o nome de “Xadrez nas escolas” permitirá a 135 rapaces destes centros educativos achegarse a esta disciplina. Unha iniciativa que parte dende a Concellería de Ensino, cuxa titular Teresa París explicaba o amplo abano de beneficios que esperan obter a través desta ferramenta. Un programa que arranca xa este luns no colexio de Laredo en Chapela e que nace con vocación de continuidade. Neste primeira edición son 135 os rapaces que van participar destas clases e son os propios profesores os que elixen aos alumnos en funcións das súas necesidades. O sistema de traballo inclúe ademais como novidade unha serie de fichas e actividades elaboradas conxuntamente con expertos da Universidade Autónoma de Barcelona. Son actividades reais para alumnos de primaria e secundaria que se completan tamén con proxectos concretos de cara a traballar o ensino do xadrez coas matemáticas e coa linguaxe segundo explicaba o profesor do instituto pedro Floriani Miguel Angel Vidal. Un proxecto que conta tamén co apoio da European Chess Unión, cuxo delegado en Galicia Roberto Paramos asistía tamén onte a esta presentación e explicaba como naceu esta iniciativa así como o axeitado de desenvolvela nun concello como Redondela A iniciativa será presentada o vindeiro día 25 en Madrid no Ministerio de Cultural nun acto no que estará presente o ex campión de xadrez Gari Kasparov así como o alcalde de Redondela, Javier Bas quen se amosaba moi satisfeito pola posta en marcha do programa seguindo as recomendación do parlamento Europeo que aconsella o emprego do xadrez como instrumento “que serva para promovera cohesión e a integración social”. A concellería de ensino confía en que os resultados sexan satisfactorios para que a actividade se consolide nos centros educativos e lembra tamén que responde a unha demanda dos propios Consellos escolares “que pedían algunha actividade para loitar contra o fracaso escolar”.  

Teresa París edil de Ensino
Explica os beneficios desta disciiplina
135 rapaces
O proxecto nace con vocación de continuidade
Miguel Angel Vidal IES Pedro Floriani
Unidades didácticas eloradas pola Universidade de Barcelona
Roberto Paramos delegado da European Chess Unión
Explica o motivo de que a iniciativa arranque en Redondela
Javier Bas alcalde
Aplaude unha inciativa que segue as recomendacións do Parlamento europeo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *