Hoxe é Sábado 25 de Xuño de 2022
Stations
NOTHING FOUND!
Current listeners: 
Peak listeners: 

Unha charla na Casa da cultura analiza o papel dos concellos como vertebradores da inclusión social

RR_Noticias

O acto, organizado por Anova Redondela contará coa participación da deputada por este partido Chelo Martínez, a traballadora social Patricia Torrado e a experta en xestión de servizos sociais Chus Lago. A charla coloquio desenvolverase hoxe venres ás 20:30 horas na Casa da Cultura.

Anova organiza esta charla-coloquio na que se abordará a necesidade de contar cuns Servizos Sociais municipais que dean resposta á grave situación socioeconómica que padece a poboación “afectada polas políticas ultraliberais centradas na destrución do público”. Entenden desde esta formación política que a aprobación da Lei para a Reforma da Administración Local supón un grave ataque ás políticas que dende os Concellos se poderían desenvolver para dar pulo a inclusión social “ao primar o meramente economicista e baleirando o papel dos Servizos Sociais”.
Por ese motivo consideran necesario abrir vías de debate sobre o papel das políticas municipais como factor de cohesión social que dean resposta a ese 25% da poboación galega (700.000 persoas) que segundo os últimos estudos se atopan en risco de
exclusión social. Redondela con case 3.000 persoas desempregadas, non escapa desta tendencia.
O acto do venres contará coa participación da traballadora social Patricia Torrado, a
Experta en Planificación e Xestión de Servizos Sociais Chus Lago e a deputada de Anova no parlamento galego Chelo Martínez.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará