Hoxe é Mércores 28 de Outubro de 2020

Música co dúo Acrobata e teatro cos Tres porquiños

RR_Noticias

Arranca o ciclo de música popular que se vai desenvolver durante os vindeiros seis meses en Redondela coa actuación de Ugia Pedreira e Fred Martíns mañá sábado no Multiusos ás 21:00 horas. A proposta cultural da fin de semana complétase o domingo coa representación de Os tres porquiños a cargo da compañía Eduateatro Producións.

Logo da programación cultural do Nadal as actividades continúan en Redondela con dúas propostas esta fin de semana. A primeira é de carácter musical a cargo do dúo Acrobatas integrado pola galega Ugia Pedreira e o brasileiro Fred Martíns, encargados de inaugurar este sábado o ciclo Rede de Músicas Soltas que achegará ao noso concello as actuacións dos artistas Radio Cos, Caxade, Jazzología, Narf , kepa Junquera e Xavier Díaz. A actuación de mañá será ás 21:00 horas e o prezo da entrada, que se pode retirar dúas horas antes do concertos no Multiusos, é de 4 euros. A outra proposta da fin de semana está orientada ao público infantil e familiar. A compañía Eduateatro Producións presenta o domingo tamén no Multiusos ás 18:00 horas unha revisión da fábula Os tres porquiños, adaptándoa ao tempos que corren e enriquecéndoa cunha banda sonora orixinal composta pro cinco pezas musicais. As entradas en venda anticipada están esgotadas, aínda que unha porcentaxe venderase no propio Multiusos o domingo ás catro da tarde a un prezo de 3 euros.  

Ugia Pedreira Acrobatas
Fala do concerto do sábado
Xandre Vázquez produtor de Os Tres Porquiñoss
Unha fábula tradicional modernizada

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *