Hoxe é Venres 27 de Novembro de 2020

O Solla&Cía Chapela agarda ao seu rival na Copa Deputación que sairá da eliminatoria SAR-Novás

RR_Noticias

Logo de impoñerse ao Balonmán.com por 34-24 os de Fran Teixeira superaron a primeira eliminatoria, e agora agardan ao seu rival. E podería ser un interesante derbi, xa que sairá da eliminatoria que esta noite enfronta a SAR Plastic Omnium e Mecalia Novás. Ás 21.00 horas no pavillón municipal de Redondela.

A competición está a servir aos de Chapela pare recupera o ritmo logo do descanso de Nadal, e os resultados foron positivos na primeira eliminatoria. Os de Teixeira, malia comezar mal o partido, impuxéronse sen dificultades ao Balonmán.com en Pontevedra, cun marcador de 24-34. Vidal foi o protagonista do encontro, sumou 9 goles e conseguiu a remontada do equipo. Agora deben esperar ao partido que se disputará esta noite en Redondela ás 21:00 horas entre a SAR Plastic Omnium e o Mecalia Novás para coñecer ao seu próximo rival. Manuel González Soto confía en que o clasificado sexa o equipo redondelán “para poder ofrecer un derbi”aos afeccionados do municipio. A competición na División de Honra B retomarana o próximo 19 de xaneiro, en Vigo, diante do Academia Octavio. Con este encontro chegarán ao ecuador da competición, xa que será o último da primeira volta. Desta primeira metade da competición no club fan un balance moi positivo, Soto destaca que están “fóra dos postos de descenso” e que aínda que a categoría se está a facer “moi dura”, o club de Chapela está a competir “con dignidade”. Emotivo recordo a Gerardo Méndez O II Torneo de Nadal Memorial Gerardo Méndez foi unha festa do balonmán e unha homenaxe ao desaparecido adestrador e colaborador do club, e que foi ademais o promotor da primeira edición deste campionato. Méndez, que faleceu en xaneiro do pasado ano, fora ata entón o adestrador dos equipos femininos do Chapela, que sempre se destacou por “fomentar o deporte feminino”. Participaron máis de 270 nenos de Balonmán Moaña, Seis do Nadal, SAR e Balonmán Chapela. En benxamíns o campión do torneo decidiuse no último partido. Impúxose o Chapela, seguido de SAR, Seis do Nadal e Moaña. En alevíns mixto o campión do torneo foi o Chapela A, seguido do Seis do Nadal, Moaña, SAR, Chapela B e Chapela C. En infantil feminino a diferenza de goles favoreceu a Moaña, por diante de Chapela, SAR e Seis do Nadal. En infantil masculino o campión do torneo foi o Seis do Nadal, que gañou ao Moaña, seguido de Chapela, Moaña e SAR. Como colofón ao torneo disputouse un encontro entre xogadoras retiradas do Balonmán Chapela. Participaron representantes das diferentes xeracións que estiveron ás ordes de Gerardo Méndez durante s catorce anos nos que o técnico estivo á fronte do balonmán feminino no club de Chapela.      

Manuel González Soto presidente
Soto quere un derbi redondelán na Copa Deputación.
Primeira volta positiva
O presidente fai un balance positivo da primeira metade de liga na División de Honra B.
Memorial Gerardo Méndez
Soto fala emocionado do II Torneo de Nadal que serviu de homenaxe para o adestrador.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *