Hoxe é Martes 24 de Novembro de 2020

José Antonio Gómez: “Dimito para non prexudicar á Asociación de empresarios”

RR_Noticias

O presidente da Asociación de Empresarios presentou a súa dimisión na xornada de onte aínda que a súa renuncia non será efectiva ata o 15 de xaneiro, data na que se abrirá o proceso electoral para elixir unha nova directiva. Entende que o proxecto de urbanización de Canabal non foi ben entendido por todos os asociados pero que non é o momento de buscar culpables. Insiste en que ao ao fronte da Asociación sempre defendeu os intereses xerais dos asociados pero que “ante a mínima dúbida de que detrás da miña postura houbese intereses particulares prefiro abandonar”.  

Foron moitos os comerciantes que nas últimas semanas pedían a dimisión de José Antonio Gómez por entender que a súa posición como integrante da empresa Unión Comercial de Redondela, promotora do proxecto de urbanización da parcela de 36.320 metros cadrados na que se inclúe a construcción dun centro comercial, 17 vivendas unifamiliares, unha estación de autobuses, un hotel e zonas verdes, era incompatible co seu cargo de presidente da Asociación de empresarios “por existir un claro conflito de intereses”. Malia que nun primeiro momento Gómez decidía seguir no cargo e defender o proxecto de Urbanización “por tratarse dunha iniciativa creada no 2001 na  propia Asociación de empresarios” finalmente e ante o posicionamento maioritario do comercio local en contra do proxecto decidía facer efectiva a súa dimisión nunha reunión da Xunta Directiva celebrada onte. Lamenta ter que deixar a presidencia deste xeito pero asegura non sentirse “mal tratado” por parte dos asociados que entende “si valoran o traballo realizado por todo o equipo que me acompañou durante estes anos”. Un traballo que se traduce en que se pasara dos 80 asociados a súa chegada ata case 450 actualmente. A partir do 15 de Xaneiro, data na que será efectiva a súa dimisión, centrarase xa nos seus proxectos persoais e empresariais que pasan “por sacar adiante o proxecto de urbanización de Canabal” aínda que sexa buscando un “novo formato”.  

José Antonio Gómez presidente en funcións
Explica os motivos que o levaron a dimitir
Defensa do proxecto de Canabal
Asegura que sempre defendeu os intereses xerais dos asociados
Proxectos de futuro
Sacar adiante o proxecto urbanístico aínda que sexa cun novo formato

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *