Hoxe é Luns 26 de Outubro de 2020

Pais e alumnos maniféstanse en Cesantes contra os atrasos do transporte escolar

RR_Noticias

“Por un transporte escolar puntual”, ese foi o lema co que unhas trescentas persoas marcharon esta mañá pola estrada N-550 desde o colexio Outeiro das Penas ata a rúa Loural. Pais e nais, familiares e os propios alumnos dos colexios Outeiro das Penas e Quintela esixiron “unha solución” aos continuos atrasos que sofren tanto nos traslados para chegar ao centros como nas saídas.

A presidenta da ANPA do colexio de Cesantes, Nuria Rodríguez, explican que levan xa tres meses denunciando esta situación. Desde que comezou o curso, os alumnos que deben entrar no centro ás 9.30 horas, chegan ás veces ata media hora tarde. O mesmo problema teñen á saída, que é ás 14.30 horas, pero o autobús non os recolle ata preto das 15.00 horas en moitas ocasións. Estes continuos atrasos fixo que os alumnos perderan xa unha media de 20 horas lectivas.Segundo Rodríguez a empresa adxudicataria culpa dos atrasos “aos recortes” da consellería de Educación, que eliminou unha das liñas. Os pais aseguran non entender como a Xunta “permite que esta situación se prolongue no tempo” e esixen que se tomen medidas “ou lles rescindan o contrato”. Os alumnos do centro, rapaces de entre 3 e 12 anos, son os principais prexudicados. Algúns como Felipe e Martín participaron esta mañá na manifestación, que saíu ás 10.00 do centro. Quéixanse de que sempre chegan tarde á clase “por culpa do autobús” o que provoca interrupcións nas aulas, e logo tamén chegan á casa “case unha hora máis tarde” da saída do centro. Un problema que padecen desde o último trimestre do curso pasado e que levou a moitos pais a recoller aos rapaces en vehículo privado. Outros mesmo prefiren facer o percorrido a pé “porque chegan antes que no autobús”. A manifestación percorreu a estrada N-550 desde o Outeiro das Penas ata a rúa Loural, e ocasionou longas retencións nos vehículos que circulaban en dirección a Arcade. Na ANPA confían en que logo da mobilización, a recollida de sinaturas e a documentación por escrito do atraso que cada día acumula o transporte, a consellería de Educación “mova ficha” e soluciones o problema.  

Nuria Rodríguez presidenta da ANPA
Os atrasos son continuos desde hai tres meses e os alumnos xa perderon unhas 20 horas lectivas.
Solución urxente
As ANPAS demandan unha solución por parte da Consellería de Educación.
Felipe e Martín alumnos
Os escolares pacen os atrasos todos os días tanto na entrada como na saída do centro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *