Hoxe é Venres 23 de Outubro de 2020

Presentación do vídeo submarino “Duques de Alba” na Asemblea da AP-9 en Chapela

RR_Noticias

A Asociación de afectados pola AP-9 convocan este venres unha asemblea ordinaria ás 20:00 horas no Multiusos do Piñeiral do Crego na que se informará das últimas xestións realizadas en torno á ampliación da autoestrada. Presentarase o vídeo documental “Duques de Alba” que amosa a existencia no fondo mariño de material desprendido da estrutura da ponte de Rande.

Duques de Alba é o nome que reciben os piares da ponte de Rande, motivo polo que ese é tamén o título dun vídeo documental realizado por tres técnicos en inspección submariña contratados pola asociación para realizar unha inspección visual e coñecer así o estado de conservación no que se atopan eses piares que sustentan a infraestrutura. O obxectivo era atopar un burato de grandes dimensións do que falan os mariñeiras da zona pero que segundo explican dende a Asociación “non foi posible atopar debido a gran cantidade de mexillón acaroados aos piares”. Sí se localizaron “pequenas fisuras de corrosión” e material diverso procedente “de posibles desprendementos” segundo explica dende o colectivo Roberto Villar. Un vídeo que se proxectará o venres no Piñeiral do Crego nunha asemblea ordinaria na que se falará ademais doutros temas de interese para a parroquia como o futuro da ampliación da AP-9 ou a adquisición de terreos para a instalación da gardería de Chapela. Dende a Asociación reclaman ao goberno local “maior contundencia ante Fomento” de cara a evitar a ampliación da autoestrada, unha obra que tería tamén repercusións económicas negativas para as arcas do concello ao rebaixar o valor dos terreos na parroquia de Chapela.  

Roberto Villar Afectados pola AP-9
Explica en que consiste o documental
Maior contundencia
Iso é o que lle piden ao goberno local ante Fomento
Terreos para a gardería
Na asemblea falarase doutros temas relacionados coa parroquia

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *