Hoxe é Xoves 22 de Outubro de 2020

A entrada ao museo Meirande será gratuíta

RR_Noticias

O Centro de interpretación da batalla de Rande abre o vindeiro sábado día 9 cunha xornada de actividades tanto institucionais como festivas- con representación teatral incluída- abertas a todo o público que queira achegarse. A visita ao museo será gratuíta á espera de que se aproben as taxas que regularán o prezo das entradas. O Meirande permanecerá aberto en horario de mañá os días laborais mentres que sábados e domingos abrirá durante todo o día.

Os actos oficiais de inauguración arrancarán ás 12:30 horas e durante toda a xornada haberá diferentes actuacións musicais e escenificacións a cargo dunha compañía de teatro que será a encargada de acompañar aos visitantes polas instalacións do museo O concelleiro de Cultura, Julio Alonso anima aos veciños a se achegar ao lugar tanto para coñecer de preto as instalacións, que nos permitirán mergullarnos nun galéon “grazas a unha ambientación moi lograda” que van trasladar ao visitante ao interior do camarote do capitán, a sala de canóns ou as súas adegas, como para gozar da contorna. Unha inauguración que se produce cando aínda quedan cuestións pendentes por arranxar como a instalación dun pantalán flotante que permitiría aos visitantes acceder dende o mar ao Museo, un atraso que segundo explicou Julio Alonso responde “aos numerosos trámites necesarios tanto por parte da Autoridade Portuaria que xa autorizou a súa instalación como por parte da Consellería de Medio Ambiente. Tamén queda por resolver a cuestión do aparcamento xa que hai unha autorización verbal para que os vehículos aparquen na explanada de colectores de Rande pero aínda non se acadou a cesión definitiva dos terreos para este uso por parte da Autoridade Portuaria.  

Julio Alonso edil de Cultura
O Concelleiro fálanos do funcionamento do Meirande nos seus inicios
Mergullarse nun galeón
Salienta as instalacións do Museo pero tamén o seu entorno
Temas pendentes
O aparcamento e o pantalán son dúas cuestións que aínda non están resoltas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *