Hoxe é Martes 26 de Xaneiro de 2021

Redondela conta co único polígono de bateas que permanece aberto en Galicia

RR_Noticias

Case a totalidade de bateas de mexillón da comunidade galega están pechadas por mor da reaparición dun novo episodio de “marea vermella”. O Instituto Tecnolóxico para o Control do Medio Mariño ordenou o peche tras detectar altos niveis de células de toxinas diarreicas e a única zona que non está afectada é Redondela, xa que do seu seis polígonos de bateas, cinco están abertos.

Os primeiros peches tiveron lugar a principios de mes na Ría de Betanzos e tamén en Bueu e Cangas, expandíndose nos últimos días polo resto da Ría de Pontevedra e Muros-Noia e tamén en Vigo. Só na xornada de onte o Intecmar clausurou 23 polígonos en toda Galicia, o que reflicte a virulencia deste episodio que coincide cunha das mellores épocas do molusco. Onte se elevaron a 46 os polígonos de bateas de mexillón pechados en Galicia, permanecendo abertos unicamente os Redondela B-G, Redondela C-F, Redondela D e Redondela E. Con estes novos peches a ría máis prexudicada foi, sen dúbida, a de Arousa, que é tamén a máis produtiva e a que alberga maior número de bateas -2.200 sobre un total de 3.300-. A marea vermella é un fenómeno natural que se produce por microalgas presentes no fitoplancto mariño e que baixo condicións ambientais favorables -como o bo tempo- se multiplica. É a chamada toxina PSP, que é paralizante e que pode provocar nas consumidor molestias de tipo intestinal como vómitos, náuseas ou diarreas. O mexillón que está no mercado pódese consumir sen risco algún para a saúde xa que chega aos fogares polas canles regulares de comercialización.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *