Hoxe é Mércores 16 de Xuño de 2021

Policía e Grumir actúan en Chapela ante a ameaza de reactivación dun incendio en Aucosa

RR_Noticias

Na mañá de hoxe foi necesaria a intervención dos efectivos da Policía Local e o Grumir de Redondela para evitar que se reproducira o incendio que na xornada de onte se producía na baixada ás instalacións da empresa Aucosa en Chapela. Os axentes refrescaron a zona e evitaron a propagación dun lume que xa se dera por extinguido ás 19:30 horas de onte.

O lume iniciábase ás 18:25 horas de onte por causas descoñecidas nas inmediacións de acceso ás instalación da empresa Auxiliar Conserveira Aucosa en Chapela. O incendio estendeuse rapidamente por unha ladeira duns 300 metros xunto á nave na que se acumulaba moita maleza, chegándose a temer que puidera alcanzar un depósito de combustible situado na entrada da fábrica. Finalmente o incendio foi sufocado en aproximadamente unha hora grazas á intervención de dous camións motobombas de Protección Civil de Redondela e Bombeiros de Vigo, ademais de dúas patrullas da Policía Local e Nacional.
Malia a que o lume xa se dera por extinguido, na mañá de hoxe foi necesaria novamente
a intervención dos servizos de emerxencias logo de que se comprobase que había posibilidade de que o incendio se reproducise. Por este motivo ata o lugar desprazáronse axentes da Policía Local e o Grumir que se encargaron de refrescar a zona para evitar a reactivación do lume.
Do mesmo xeito tamén se procedeu na zona de A Teixeira na parroquia de O Viso, lugar no que a última hora da tarde de onte se producira un incendio.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *