Hoxe é Domingo 25 de Outubro de 2020

A Federación de veciños solicita que se modifique o regulamento dos órganos consultivos municipais

RR_Noticias

As asociacións de veciños integradas na Federación San Simón de Redondela acordaron non participar nos órganos consultivos municipais porque entenden que se lles está a restar participación neses organismos. Solicitan que se revisen os regulamentos que rexen a súa formación e que non se limite a presenza de membros de colectivos veciñais en favor doutras asociacións “que non defenden os intereses xerais da cidadanía”.

Representantes da Federación de Asociación de Veciños “San Simón” de Redondela reuníronse na tarde de onte co alcalde, Javier Bas, logo de anunciar que van “secundar un paro na participación nos órganos participativos municipais, tales como consellos parroquiais ou comisión de servizos privatizados”. Unha xuntanza que non serviu para limar asperezas, xa que dende a Federación manteñen que se lles está a restar participación neses órganos, por exemplo nos Consellos parroquiais de Chapela e Cedeira, onde se reduciu o seu número de representantes para permitir a entrada doutros colectivos. Critican que se reduza a presenza das Asociación de Veciños “que teñen intereses xerais e que polo tanto non deberían ceder participación en favor doutras asociacións que defenden intereses concretos e sectoriais” en palabras de Víctor Manuel Fuentes. Por este motivo solicitan que se revisen os regulamentos que rexen os consellos parroquiais e consultivos para o cal piden o apoio da oposición política. Piden tamén a dimisión do presidente do Consello parroquia de Chapela e critican a “escasa ou nula documentación” que segundo aseguran reciben dende o Concello.  

Victor Manuel Fuentes Federación de Veciños
Critican o reparto que se fai nos consellos consultivos municipais
Modificar o regulamento
Esta é unha das peticións da Federación

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *