Hoxe é Martes 28 de Setembro de 2021
History
Stations
NOTHING FOUND!

Ludoteca Musical para nenos a partir de dous anos na Escola de música de Chapela

RR_Noticias

O centro abre o prazo da matrícula para o curso 2013-2014 nas súas novas instalacións con cursos formativos para nenos e adultos. Como novidade este ano ofértase unha ludoteca musical orientada a pequenos a partir dos dous anos que pretende ser unha unha primeira toma de contacto coa música mediante o xogo e talleres musicais.
 

Os alumnos poderán elixir entre un total de 18 instrumentos: óboe, frauta, clarinete, saxofón, trompa, trompeta, trombón, bombardino, tuba, percusión, gaita, pandeireta, percusión tradicional, violoncello, contrabaixo, batería, piano e guitarra así como clases de voz. Unha práctica instrumental que abrangue a aprendizaxe afeccionada para o desenvolvemento persoal e a interpretación colectiva, a formación para futuros profesionais e preparación para o acceso ao conservatorio e formación instrumental ou vogal nas agrupación do centro como son a banda de música, o grupo de gaita e o grupo de pandeireta.
Os máis pequenos, aqueles de idades comprendidas entre os 3 e os 5 anos poden tamén acceder ás aulas de música e movemento cuxa finalidade é o descubrimento e desenvolvemento das capacidades expresivas, musicais e motrices e xa a partir dos seis anos poden inscribirse nas clases de linguaxe musical, no que o alumno aprende a ler música para poñela en práctica co instrumento que se escolla.
Para máis información as persoas interesadas poden dirixirse a:Correo electrónico: escolademusicadechapela@hotmail.com o unas instalación da escola nos baixos do Pavillón de Chapela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *