Hoxe é Luns 20 de Setembro de 2021
History
Stations
NOTHING FOUND!

Os veciños aplauden a decisión do parlamento de solicitar a Fomento o arranxo da N-555

RR_Noticias

A decisión unánime do parlamento de Galicia de instar ao Ministerio de Fomento a realización de obras para mellorar a seguridade vial na estrada que comunica Redondela co aeroporto de Peinador é aplaudida polos veciños da zona, que durante anos levan reclamando ditas melloras.

A iniciativa, que foi presentada na comisión parlamentaria polo grupo Alternativa galega de Esquerda (AGE) foi aprobada co apoio unánime de todos os grupos do Parlamento de Galicia, comprometéndose asía a trasladar ao Ministerio de Fomento a realización de diferentes actuación que melloren a seguridade vial tanto para peóns como para os propios condutores.
Os veciños desta estrada levan anos demandando melloras nunha vía cun elevado volume de tráfico e por onde os coches, segundo denuncian, circulan a unha velocidade excesiva malia carecer de beirarrúas, o que obriga aos peóns a se apartaren numerosas veces ao longo do traxecto para non sufrir atropelos.
As reiteradas peticións para que se adopten medidas que solucionen o problema non se teñen traducido en mellora algunha e os veciños critican que as “administracións competentes fagan ouvidos xordos ás súas demandas”. Unhas demandas que se concretan na construcción de beirarrúas e dotación dun paso de peóns na rotonda na intersección entre as estradas N-555 e N-550.
Os residentes na zona confían en que este acordo unánime do parlamento serva para lograr unha desposta satifactoria pro parte de Fomento.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *