Hoxe é Luns 27 de Setembro de 2021
History
Stations
NOTHING FOUND!

Rouban en Vilaboa un camión con 530.000 euros en tabaco e a Garda Civil recupérao en Arcade

RR_Noticias

Catro encapuchados asaltaron onte martes un camión que transportaba tabaco e levaron toda a súa carga, un total de 265 caixas de tabaco, valoradas en 530.000 euros. O suceso tivo lugar na N-550, en Vilaboa, e tanto o camión como a carga foron recuperados pouco despois polos axentes da Garda Civil nunha nave abandonada en Arcade.

Segundo informou a Garda Civil, o suceso tivo lugar sobre as 9.30 horas deste martes na estrada N-550 en Vilaboa, á altura do punto quilométrico 30,4, cando dous vehículos interceptaron a un camión de transporte cortándolle o paso. Do interior destes coches saíron catro persoas que cubrían os seus rostros con pasamontañas e que obrigaron ao chofer a baixar do camión. Inmediatamente subiron á cabina e levaron o vehículo que transportaba tabaco. Segundo declarou o transportista aos axentes da Benemérita, os asaltantes non estaban armados. A Garda Civil puxo en marcha un dispositivo de busca e sobre as 10,15 horas se localizou ao camión sen a carga nas inmediacións de Arcade (Soutomaior), a escasos quilómetros de onde fora roubado. Tras as investigacións realizadas por axentes da Unidade Orgánica de Policía Xudicial da Comandancia de Pontevedra, localizouse e recuperou a totalidade da carga nunha nave da mesma localidade na que apareceu o camión.
Na nave tamén apareceu un dos vehículos utilizados polos asaltantes, que fora roubado en Vigo o día anterior. De momento segue aberta a investigación para localizar aos supostos autores, aos que a Garda Civil considera “perfectamente coñecedores” da contorna no que se desenvolveron os feitos.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *